• ХАЯГ : “Хүрд” Хувьцаат компаний байр, Их тойруу-46, Сүхбаатарын өргөн чөлөө, Чингэлтэй дүүрэг, 6-р хороо, Улаанбаатар-45
  • 11320935 11325130
Менежертэй холбоо барих
Дагагчид
Танилцуулга

Хүрд компани нь Монгол улс хэмжээнд болон гадаад улсад барилгын тусгай ажлыг дагнан гүйцэтгэдэг мэргэжлийн ууган байгуулага юм.  Манай компанийн эх суурь Монгол улсад бүтээн байгуулалтын ажил өрнөж, төвлөрсөн халаалт,усан хангамж,агааржуулалттай барилга барьж эхэлсэнтэй уялдан 

1937 онд Уурын зуух ба салхин Хүрдний ажлыг эрхлэн үйлдвэрлэх тасаг нэртэй байгуулагдаж, 
1948 онд Сантехникийн үйлдвэр,
1953онд Сантехник цахилгаан монтажийн газар
1964 онд Цахилгаан Сантехник угсралтын нэгдсэн трест
1991 онд  Цахилгаан Сантехник Угсралтын Хүрд хк
1996 оноос Хүрд Хк гэсэн нэртэйгээр үйл ажиллагаагаа явуулж байна.

Манай компаниас төрсөн алдартанууд
1.    П.Нямхүү          1921 оны Ардын Хувьсгалын партизан, байгуулагын 3 дах дарга
2.    Ц.Намсрай                   МУ-ын Хөдөлмөрийн Баатар, цахилгаан гагнуурчин
3.    Б.Дамчаа                      МУ-ын Хөдөлмөрийн Баатар, Тоног төхөөрөмжийн слесар
4.    Д.Чойдог                      МУ-ын Гавьяат Барилгачин байгуулагын 4 дэх дарга
5.    А.Будням                      МУ-ын Гавьяат Барилгачин байгуулагын Тоног төхөөрөмжийн слесар
6.    С.Лувсангомбо           МУ-ын Гавьяат Барилгачин,МАХН-ын УТТ-ны орлогч гишүүн, СНЗ-ын орлогч дарга, Трестийн ерөнхий инжинер
7.    Л.Цэрэндондог          МУ-ын Гавьяат Барилгачин, ОХУ-ын Буриад улсын Гавьяат Барилгачин, ББМҮЯ-ны сайд, компаний зөвлөх 
8.    Ц.Дамиран                  МУ-ын Гавьяат Барилгачин, УИХ-ын гишүүн асан /2000-2008/, Трестийн дарга асан
9.    Б.Буриад                       АИХ-ын депутат, трестийн дарга асан

Монгол улсад бүтээн байгуулалтын ажил өрнөж, төвлөрсөн халаалт, усан хангамж, агааржуулалттай барилга барьж эхэлсэнтэй уялдан 1937 онд “Уурын зуух ба салхин хүрдний ажлыг эрхлэн үйлдвэрлэх тасаг” байгуулагдсанаар манай компанийн эх суурь тавигдсанаас хойш 1948 онд Сантехникийн үйлдвэр, 1953 онд Сантехник, Цахилгаан монтажийн трест, 1960 оноос Цахилгаан, Сантехник монтажийн газар, 1964 оноос Цахилгаан Сантехник Угсралтын Нэгдсэн Трест, 1991 оноос барилгын Цахилгаан Сантехник Угсралтын Хүрд /ХК/ Компани гэдэг албан ёсны нэртэйгээр үйл ажиллагаагаа явуулж байна. “Хүрд” компани Монгол улсын хэмжээнд болон гадаад оронд барилгын тусгай ажлыг дагнан гүйцэтгэдэг мэргэжлийн ууган байгууллага юм. 

БИДНИЙ ЭРХЭМ ЗОРИЛГО, АМЖИЛТУУД
 
Компани Монгол улсын хуулийн дагуу зөвшөөрөл авсан эдгээр үйл ажиллагааныхаа чиглэл, төрлүүдээр материал техникийн хангамж, шинэ технологи, үйлдвэрлэл зохион байгуулалтын асуудлыг өөрийн туршлагадаа тулгуурлан бие даан бүрэн шийдвэрлэж, захиалагчтай байгуулсан гэрээг нэр төртэй биелүүлэхийг эрхэм зорилгоо болгож ажилладаг, өөрийн хөрөнгийн чадвартай, барилгын найдвартай гүйцэтгэгч, бүх төрлийн татвар, даатгалыг үнэнч шударга найдвартай төлөгч байгуулага юм. Төр засгийн байгууллагуудаас манай үйл ажиллагааг үнэлж гэрчилгээ өргөмжлөл олгосон. 
 
“Хүрд” компани нь бүтээгдэхүүн, үйлчилгээний чанараар төр засгийн байгууллага болон хэрэгжүүлэгч агентлагуудаас дараахь өргөмжлөлүүдийг хүртсэн.
  • Шилдэг үйлдвэрлэгч өргөмжлөл
  • Хүндэт өргөмжлөл
  • Монголын шилдэг татвар төлөгч байгууллага
  • Хэрэглэгчдийн найдвартай түнш
  • Чанарын өргөмжлөл
  • 2006 оны шилдэг барилгын компани
  • Топ 150 байгууллагат 2005, 2006 онуудад тус тус багтсан.
Компани Улаанбаатар, Дархан, Эрдэнэт, Ховд, Улаангом хот, Монгол улсын бүх аймаг, сум, хот, сууринд болон Орос улсын Улаан-Үд хотод орон сууц, соёл иргэний, үйлдвэр хөдөө аж ахуйн зориулалттай 4000 шахам барилга байгууламжид өөрийн үйл ажиллагааны чиглэлээр угсралтын ажлыг барилгын норм дүрэм, үндэсний стандартын дагуу чанартай гүйцэтгэн захиалагчид гэрээт хугацаанд нь хүлээлгэн өгсөн. Тус компанид ОХУ, БНХАУ, Франц, Солонгос, Польш, Чех, Унгар, Япон, Финлянд зэрэг орнуудын мэргэжилтнүүдтэй хамтран ажиллаж нарийн мэргэжил дадлага, туршлага эзэмшсэн ямар ч төслийг гардан хэрэгжүүлэх чадвартай 300 гаруй ажилтан ажиллаж байна
 
Yйл ажиллагааны нэр төрөл:
  • Барилга угсралт
  • Гадна инженерийн шугам сүлжээний (дулаан, цэвэр усан хангамж, ариутгах татуурга) угсралт суурилуулалт
  • Барилгын дотор халаалт, цэвэр бохир ус
  • Барилгын салхивч, агааржуулалтын шугам хоолой бэлдэцийн үйлдвэрлэл, угсралт суурилуулалт   
  • Барилгын дулаан дамжуулах төв, дулааны узель, зангилааны угсралт, суурилуулалт
  • Цахилгаан эрчим хүчний 0.4 -15кВ-ын кабель шугам, агаарын шугам, дэд өртөөний угсралт суурилуулалт
  • Барилгын гэрэлтүүлэг, хүчит төхөөрөмж, холбоо дохиолол,   цахилгаан хангамжийн шугам, автоматик, цахилгааны хуваарилах самбар, тэдгээрийн бэлдэцийн үйлдвэрлэл, тоноглол угсралт
  • Халаалтын зуух, түүний тоноглол, тоног төхөөрөмжийн үйлдвэрлэл, угсралт суурилуулалт
  • Барилгын засвар
  • Нар салхи хослосон цахилгаан станц
  • Бетон болон төмөр хийц үйлдвэрлэл
  • Барилгын материалын худалдаа
  • Зочид Буудал
  • Зоогийн газар
  • Билльярд
Дэлгэрэнгүй